KOHHRANA MI PUITLING LEH NAUPANG ZIA

(Ni 28.October.2012) Pathianni Peniel Front Page)

Mi puitling zia sawi fiah tur chuan ‘Puitling’ emaw ‘Naupang’ emaw hrilfiah a tul a, ‘Thianghlimna’ hrilfiahtu-in Thianghlim lohna/bawlhhlawhna a\anga thianghlimana chanchin fiah taka a sawi thei \hin ang deuhin ‘Naupang zia’ hrilfiahna hian ‘Puitling zia’ hrilhfiah pawh a tiawlsam em em a ni.
Tunah pawh hian kei aia kum lama naupang tak, mahse mihring mizia a ‘kei aia puitling’ si ka va hmu tam em. Chutiang deuh bawk chuan kum 60 hmang ral tawh leh khup bih a dam mekte zingah hian mize lama ‘kei aia nawi leh naupang’ si hi ka va hmu hnem em. A chhan chu mihring mize puitlinna hi ‘kum tam lamin a hril ber lo’ tihna a ni.
Kohhran huang chhungah pawh hian tisa/kum lama upa fer, thlarau lama sawngnawi angreng tak – tisa thila kan khawsa zia leh nun danin kan thlarau dinhmun min tarlang sak hmuh tur tam tak a awm thin. Mi a kum lamah upa-in rawngbawlnaah experience ngah hle tawh mahse naupang zia anga a khawsak chuan ‘puitlin’ a zir a ngai; Kohhrana Naupang zia lo en ila:
1.   Kohhran huang chhungah - Eng thil avang pawh a ‘nuar leh tihtauh’ hi naupang zia a ni.
2.   Naupang chuan Bal (hmai bal,Kawr bal) an ngaithei ang bawkin, Thlarau tivui thei sual tih zauh pawh an awlsam.
3.   Naupang mai an nih avangin ‘maltlat nun’ ah an tlei zo lo fo.
4.  Thutak aiin ‘a huau huau/behbawm’ lam an lawm. Pathian thutak tluangtlam aia ‘thu khirhkhan buaipui zawk’ ho zingah hian ‘rinna kawnga mi puitling’ an vang khawp.
5.   Ven ngai renga awm ho leh thlem lungawi chhen ngaia awm ho hi ‘naupang’ an ni.
6.   Naupang chuan an rilrua awm ang ang an puakchhuahpui pawp pawp thin. Mi dang tan a pawi thei em (mi dang pawisakna)? tih hian a thunun tehchiam lo.
7.   Kohhran huang chhunga ‘mi dang er-na leh itsikna rilru’ awm thin hi naupang zia dik tak atanga lo chhuak a ni.
8.   Naupang hian vision leh plan reng reng an nei lo. An nung tawrh.
9.   Naupang thil khal hian, an thil neih an ning hma khawp. Thil nin thuai thuai hi naupang zia a ni.
10.  Naupang hian ‘nghah hram hram’ an harsat fo. Dawhtheihna an nei tlem.
Heng kan tar chhuah sawm a\ang hian han inteh teh le. Kohhran huang chhunga kan rawngbawlna ah hian i nun khan Puitling zia nge a pawl zawk a Naupang zia le?
Tirhkoh Paula chuan \hang lova awm reng lo tur leh Puitlin lam pan zel turin ringtute hi min fuih a, chu chu Bible hian min tumpui ber pawh a ni a, nang hma lam i pan nge i dinhmun ngaiah i la ding ta reng mai le?
A tawp nan, Shirley Conran  chuan, “Puitlin lam pan tur hian upat lutuk \hankin a awm thei lo.”  a ti a. Kohhrana ringtu -‘hmasawn thei lo, hmasawn lam pan lo, \hang lian thei lo, thlarau lama sawngnawi leh naupang zia’ hian kohhran a tichhangchhia a ni. Mi dang tan a ruka harsatna thlen \hintu an ni bawk. Chuvang chuan tisa leh thlarau-ah Pathian leh a kohhran tan puitlin i zir zel ang u. Lalpa’n Malsawm rawh se.