Upa Lalzuia Group Nite 2013

Tete-a Best Guitarist Award

April ni 22.2013(Thawhtan)zan khan Kum engemaw chen kan hman tawh loh hnuah Group Nite hlawhtling takin hman a ni a. Group Nite hi Upa Lalzuia Group ten an hmang hmasa ber a ni. Session hnihah then a niin NPSS Hall-ah ve ve hman a ni.

Duet Hmingte-i & Zova

Session-I ah hian Upa Lalzuia Group Leader in inkhawm a kaihruai a, Group Secretary Nl. Lalhminghlui hnen atangin Group chanchin report ngaihthlak a ni a. Upa Lalzuia Group Asst. Leader Pu Zodailova hnen atangin Thuchah ropui tak ngaihthlak a ni.

 Tin, Upa Lalzuia Group te hian Branch-ah thilpek an hlan a, Lectern leh Microphone dahna   te a ni a. Branch Leader Pu C. Lalhmunmawia kutah anhlan a ni.

Group Zaipawl

Session-II ah hian Nl. Jenny L. Colney leh Tv. T. Lalbiakkima ten an kaihruai a, hun hlimawm tak hman a ni a. Tv. R. Vanlalnghaka hnen atangin zai mawi tak kan ngaithla a, Nl. Lalhminghlui leh Pu Zodailova te hnen atang Deut ngaihthlak a ni bawk. Tin, Special Number Tv. Lalvulmawia’n min tihlim hle a, Intihhlimna lam hawi chawimawina thuziak sem a ni a. Hun tawp lamah Award ropui sem a ni bawk.

Secretary Report : Upa Lalzuia Group

Tin, kan sawi hmaih miah loh tur chu Thingpui leh a hmeh Sawhchiar tui tak mai min buatsaih sak a, Inkhawm zawng zawngten tlei takin kan eiho a ni.

Upa Lalzuia Group hruaitu te leh Member te inpekna a ropuiin a fakawm hle a. An inbuatsaihna te a tha hle a, Stage mawi takin an buatsaih bawk.

PHAISEN BRANCH NEN HUN HLIMAWM

Kum 2011 kum tawp lama kan Branch in kan zuk tlawh Phaisen Branch KTP te chuan April Ni 6 & 7.2013 Inrinni leh Pathianni chawhnu leh zan hmangin min rawn tlawh a. Inrinni ah lokalin ZIng chaw Kawnpuiah an ei a, Zing chaw eikham in Biak In sa lai kan nih avangin an programme rawn duan angin Biak In ah Rawra chhuin kan hnatlang ho va. Branch intlawh a hnatlanga min rawn pui duh hi Phaisen Branch te chungah kan lawm hle a, chutihrualin alo dawngsawngtu tan a inthlahrunawm hle mai.

Inrini zan ah Pathian Biak Inkhawm neih a ni a. Kohhran Meeting chair kal lai Upa C.S. Thuama'n inkhawm a kaihruai a, Kohhran in min lo dawnsawn sak hi kan lawm hle a ni. Inkhawm banah Evangilical Sub-Committee te ve ve inkawmhona hun hman a ni.

Tin, Pathianni chawhma chu Sunday School neih a ni a, chawhnu lam atangin programme chhunzawm leh niin Zan lam thlengin intlawh programme a hun hman a ni a. Inkhawm banah Felowship hun hlimawm tak hman a ni.

Phaisen Branch te hi April Ni 8(Thawhtan) zingkarah Kawnpui atanga chhuaki min haw san a. Branch intlawhna hun hlimawm tak min hman tir a, tuang taka min hruaitu Pathian hnenah lawmthu i sawi mawlh mawlh ang u.

BRANCH INTLAWH PROGRAMME DETAIL

Dt.6.4.2013 (Inrinni) zan
Hruaitu : Upa C.S. |huama ( Kohhran Meeting Chairman)
|antu : Tv. Vanlalsanga, Committee Member, Phaisen Branch
Sermon : T/Upa P.C. Lalthlamuana, Kohhran Represent. Phaisen Branch
Zaipawl : Phaisen Branch & Dinthar Branch

Inkhawm ban inkawmho
A hmun : NPSS Hall.
Hruaitu : Pu Chanchinmawia, Asst. Leader. Dinthar Branch


Dt.7.4.2013(Pathianni)

Chhun |awng\ai inkhawm
A hmun : NPSS Hall
Hruaitu : Nl. Lalkhumtiri, Branch Committee Member, Dinthar Branch
|antu : Nl. Lalsangzuali, Dinthar Branch
Reports : Branch Secretary te a\angin.

Chawhnu Pathian Biak Inkhawm
Hruaitu : Nl. Lalbiaktluangi, Secretary, Phaisen Branch
Sermon : Tv. F. Lalthangliana, Asst. Secretary, Dinthar Branch.
Zaipawl : Dinthar Branch & Phaisen Branch

Zan Pathian biak Inkhawm
Hruaitu : Pu C. Lalhmunmawia, Leader, Dinthar Branch
Sermon : Pu Zonunmawia, Asst. Leader, Phaisen Branch
Zaipawl : Phaisen Branch & Dinthar Branch

Inkhawm ban Fellowship
A hmun : NPSS Hall
Hruaitu : T. Upa Lalbiakhlua, Phaisen Branch
Special Items :
(1) Male Voice, Dinthar Branch
(2) Male Voice, Phaisen Branch
(3) Worship Dance, Dinthar Branch
(4) Male Voice, Phaisen Branch
(5) Branch OB Zaipawl, Dinthar Branch. (Barakhaih Zaipawl)
(6) Solo : Nl. Lalruatsangi, Dinthar Branch

KC-a Missionary chhuak kan thlah a

KC. Vanlalhmangaiha

Kan Kohhran atanga hun rei tak Missionary chhuak tur kan neih loh hnuah Tv. K.C. Vanlalhmangaiha chu Synod Mission Board hnuaiah Noaganga, Tripura a thawk turin lak a ni a. Kohhran leh Branch KTP te kan lawm tak zet a ni.

April Ni 2(Thawhleh)zan khan kan Kohhranah amah thlahna inkhawm buatsaih a ni a, Bialtu Pastor R.T. Lianthanga'n thlahna leh fuihna thuchah a sawi a, amah KC-a hnen atangin thusawi tawi ngaihthlak a ni bawk.

April Ni 7(Pathianni) chawhnu khan Synod buatsaihin Chanmary West Kohhran Biak In ah ama ruala Missionary lak tharte nen tirh chhuahna inkhawm buatsaih a ni bawk a, he hun hi hruaitu ten han tawiawm vek kan duh laiin Phaisen Branch KTP ten min rawn tlawh hun nen a innang tak avangin, Branch aiawhin Branch Committee Member pahnih, Tv. H. Lalfakzuala leh Nl. Lalhminghlui te han tawiawm tura tirh an ni.

Tin, April Ni 12 ah a post tur Noagang thleng hman tura beisei a ni a, April Ni 9(Thawhlehni) khan Kawnpui chhuahsanin a thawhna hmun tur a pan a. Hetah hian Branch aiawh a zuk thlah tur inruat rilruk a nih laiin kan Branch Committee member Pu K. Ramdinsanga'n a Motor a thawh avangin Diesel man Rs.2000 Branch in tumin Branch Committee memberleh kan Member mi 15 ten an a thawhna hmun tur Noagang, Tripura thlengin an zuk thlah a. Motor thawhtu Pu K. Ramdinsanga chungah kan lawm hle a ni.

Thawhlehni hian Zing Dar 09:20 AM. velah Kawnpui chhuahsanin Zan dar 8:15 velah Noagang Tripura hi an thleng a. A tuk April Ni 10(Nilaini) Dar 11:30 AM ah a zuk thlahtute hian Noagang chhuahsanin Kawnpui an rawn pan leh a. Hemi zan Dar 2:00 AM velah Kawnpui an rawn thleng leh a ni.

KC-a hi a rawngbawl zelna turah Pathian hruaina i dilpui zel ang u.

KC-a thlahna a kal te:
C. Lalhmunmawia, leader

Chanchinmawia, Asst. leader 
F. Lalthangliana, Asst. Secy 
Lalnunthari, Treasurer
Lalhriattiri, Fin. Secy. 
Vanlalhmangaihzuali 
jenny L Colney 
Zirsangliani Lalkhumtiri 
Vanlalruati Lalnunsangi
Laldinmawia 
Malsawmdawngzela
Lalramchhana 
Laldinthanga(Thangtea) 
Ramdinsanga
Lalnunmawia(Mawitea)

BIAL KTP SPORTS

Kawnpui Pastor Bial KTP Conference in a lo rel angin Bial huapin Dt.27.March.2013(Nilaini) khan Bial huap Sport neih a ni a. Bial chhung Branch hrang hrangte kan telkim thei a. Kan Branch pawh Banner te siamin kan tel thei a, Bial chhung branch zingah a phur thei leh boruak incharge nihna kan hauh a ni ber. Hemi ni hi hlim takin kan hmang. Bial chhung Branch zingah a te ber ni mah ila, Member kal tha ber kan ni a, Percentage a lak phei chuan kan sang filawr lehzual hle a ni. Pathianin min hruaina zawng zawngah kan lawm hle mai.

Football Team Captain Nl. Lalkhumtiri (Akhumi) hovin

Tv. T. lalbiakkima leh a Team te pawh

Intihsiakna ah hian Items thenkhatah pakhatna nihna kan nei nual a, amah erawh chu Pahnihna leh Pathumna lam kan ni meuh lo a, a Pumpuiah pa Thumna kan ni a. Mahse, kan Branch member-te pawh intihhlima a nih angin inelna rilru kan nei vak hlawm lo a. Football khel ngailo apiangin Ball an chang hnem te kha hmuhnawm tak chu a ni e.